«Ամերիկան կորցրեց հանճարի, որին կհիշեն այնպես, ինչպես հիշում են Էդիսոնին ու Էյնշտեյնին, և որի գաղափարները կորոշեն աշխարհի զարգացումը հաջորդ մի քանի սերունդների համար»,- Նյու Յորքի քաղաքապետ Մայքլ Բլումբերգ: Apple ընկերությունը հաղորդագրություն է տարածել ընկերության հիմնադիր և նախկին տնօրեն Սթիվ Ջոբսի մահվան մասին: «Ողջ աշխարհը կորցրեց հանճարի, յուրօրինակ և հիանալի անձնավորության։ Բոլոր նրանց, ում բախտ է վիճակվել ճանաչել և աշխատել Սթիվ Ջոբսի հետ, կորցրել են լավ ընկերոջ։ Սթիվ Ջոբսը թողել է մի ընկերություն, որը կարող էր ստեղծել միայն այնպիսի մարդ, ինչպիսին ինքն էր։ Նրա հոգին միշտ կղեկավարի մեր գործողություները»,- ասվում է հաղորդագրության մեջ:
Նշենք, որ Apple-ից հեռանալուց հետո Սթիվ Ջոբսն իր կենսագրությունից հետաքրքիր մանրամասներ էր բացահայտել… 1955թ.-ին ծնված Սթիվն իր մանկությունն ու պատանեկությունն անց է կացրել Պոլ և Կլարա Ջափզ ամուսինների ընտանիքում, Կալիֆորնիայի Մաունթըն Վյու քաղաքում: Ամուսինները նրան որդեգրել էին, երբ տղան ընդամենը մեկ շաբաթական էր: Իսկ ահա մոր՝ Կլարայի աղջկական ազգանունը եղել է Հակոբյան և նա հայուհի է: Սթիվ Ջոբսը մի քանի առիթներով շեշտել է, որ նրանց երբեք չի համարել իր որդեգրողներ, այլ ընդունել է իբրև հարազատ հայր ու մայր:
