ԼյունՍե

Հաղորդումը կարող եք լսել այստեղ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“Իրականությունը տեսանելի չէ անմիջապես: Մարդը ենթագիտակցորեն է այն ըմբռնում, արարում, զգում: Գոյություն ունի ֆիզիկական իրականություն, որտեղ մարդ ապրում է. կա նրա շրջապատը, աշխատանքի ոլորտը… Բայց միևնույն ժամանակ գոյություն ունի նաև իրականություն, որը մարդու ենթագիտակցության մեջ է. նրա մտքերը, զգացմունքները, երազանքները, նպատակները, որոնք տեսանելի չեն մյուսների համար, բայց ավելի իրական են և արժեքավոր: Երբեմն մարդու ենթագիտակցական աշխարհն արտահայտվում է նրա արարքներում, գործերում: Այժմ ես բացահայտում եմ այն իրականությունը, որն արդեն երկար ժամանակ ինձ հանգիստ չի տալիս: Ես բացահայտում եմ իմ ենթագիտակցությունը` այն արտահայտելով գծերի, կառուցվածքների, գույների ու նյութերի միջոցով, և այդ ամենն անվանում եմ La Realtà”,- ասում է գեղանկարչուհի Եվա Հարութը:

Ռադիոնյութը կարող եք լսել այստեղ 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“Իմ ելույթներից մեկում ես մի անգամ նշել եմ, որ Կոմիտասը իր ժողովրդի Բարթոկն է: Ինչպես Բարթոկն էր Հունգարիայում, այնպես էլ Կոմիտասը Հայաստանում ժողովրդական երգի ստեղծողը: Ես համոզված եմ, որ ցանկացած ժողովրդի արմատները տեսանելի են նրա ժողովրդական երաժշտության մեջ: Հենց դրանով է այն առանձնանում: Բոլոր դասականները` Հայդնը, Մոցարտը, Բեթհովենը, իրենց ժողովրդի հոգեկերտվածքն ու դեմքն են արտահայտել երաժշտության միջոցով, և հենց այդ պատճառով էլ նրանք անկրկնելի են, իսկ իրենց ստեղծագործությունները` անգին: Ես նույնպես կոմպոզիցիա եմ դասավանդում և իմ ուսանողներին միշտ հարցնում եմ. “ու՞ր է ձեր ազգային մտածելակերպը”: Ես չեմ ուզում տեսնել եվրոպական ավանգարդիզմ, քանի որ դա անհաջող պատճենահանում է: Կոմիտասն այն վառ օրինակն է, որ ես միշտ բերում եմ: Նա է սկիզբը, և շարունակությունն էլ իրենից անջատ չպետք է լինի: Նա, ով ճանաչում է Կոմիտասին այնպես, ինչպես ես եմ ճանաչում, չի կարող չսիրել նրա երաժշտությունը”, – համոզված է Գերմանացի կոմպոզիտորների ազգային ասոցիացիայի նախագահ և Հալլե քաղաքի “Երաժշտական փառատոն”-ի կազմակերպիչների գեղարվեստական ղեկավար, պրոֆեսոր Թոմաս Բուհհոլցը, որն այս օրերին Հայաստանում է:

 Ռադիոհաղորդումը կարող եք լսել այստեղ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

20 տարի առաջ այս օրը հայ մարտիկները, գրոհելով 5 ուղղություններով, թշնամուց հետ խլեցին մեր երազը` մեր Շուշին: Շուշին ազատագրելու անգամ միտքը հնչեցնողը խենթ էր համարվում: Անառիկ բերդն արծվի նման վերից հսկում էր ողջ Արցախը: Թշնամու ձեռքին մեր դեմ զենք դարձած մեր Շուշին հետ բերել էր պետք: Ու մերոնք կարողացան, կարողացան, քանի որ ազատագրում էին իրենցը: Շուշին մեկընդմիշտ մերն է արդեն:

«Լյունսեի» սդուդիայում հյուրընկալել ենք «Շուշի» բարեգործական հիմնադրամի նախագահ, գրող, հրապարակախոս, Շուշիի ու Արցախի մասին բազմաթիվ գրքերի հեղինակ Բակուր Կարապետյանին և ԵՊՀ դասախոս, պատմական գիտությունների թեկնածու Ալիկ Ղարիբյանին: Շուշին երեկ, այսօր և վաղը: Ինչպիսի՞ն էին երազում տեսնել մեր տղաները Շուշին, և ի՞նչ ենք անում մենք այդ երազն իրականացնելու համար…

Հեղինակ` Մերի Քլանթարյան

Ռադիոնյութը կարող եք լսել այստեղ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Տեխնիկան զարգանում է, տեղեկատվություն ստանալու միջոցներն արդեն անհաշիվ են ու ընտրությունն էլ` լայն: Բայց մտահորիզոնը լայնացնելու, մեծացնելու գործում, արի ու տես, որ մենք խնդիրներ ունենք: Հիմա մեր քաղաքում սրճարաններից, խանութներից, ձայնագրման կետերից, մեքենաներից անընդհատ ճչում է երաժշտությունը` ռադիոյից հնչող երաժշտությունը: Բայց չէ որ ռադիոն միայն երաժշտություն չէ, այն էլ այդպիսի երաժշտություն: Ինչ է այսօր ռադիոն երիտասարդների համար ու որքանով է այն նրանց կյանքի մասը կազմում: